بؤلگه‌ميزده سياسي اولايلار و دييشيملرين سورعتلنديگي و دونيا ايجتيماعياتي و بؤيوک سياسي گوجلرين ديقتي ايرانين اوستونده اولدوغو بير زاماندا بو اؤلکه‌نين گله‌جگي و ايچينده ياشايان غئيري-فارس ميلتلرين دورومو دا ديقت مرکزينه کئچيبدير.

ايراندا آذربايجانلي سياسي محبوسلاريني مودافيعه بيرليگي (آداپ)2006-جي ايلدن، سياسي محبوسلاريميزي ساوونماق آماجي ايله فعاليته باشلاديغي زاماندان، ايرانلي لوبي چيلرين اورتايا آتديقلاري انگللرله قارشي-قارشيا اولموشدور. بو ندنله، آداپ اؤز اساس فعاليتلري ايله بيرليکده غئيري-فارس ميلتلر و اؤزلليکله آذربايجان تورکلري ايله ايلگيلي گئرچکلري دونيا ايجتيماعياتينا آنلاتماق اوچون بؤيوک چابا صرف ائتميشدير. آداپ امکداشلارينين گئجه-گوندوز فعاليتلري سونوجوندا سؤزو گئدن انگللرين اؤنملي بير بؤلومو اورتادان قالديريلميش و ايراندا ياشايان آذربايجانليلارين سورونلارینین اولوسلار آراسي آرئنادا گئنيش بير شکيلده طرح اولونماسينا سبب اولموشدور.

ياشاديغيميز بو حساس دؤورده آذربايجانلي اينسان حاقلاري مودافيعه چيلر و قروپلارينين دا مسئوليتلري بؤيوک بير ميقياسدا چوخالميشدير.

آداپ، گله‌جک آيلاردا، ايراندا اينسان حاقلاري اوزره ب.م.ت -نين اؤزل راپورتؤرو ايله ياخيندان و سورکلي اولاراق چاليشاجاقدير. آيريجا، آداپ ايسوئچ پارلامئنتينده ايراندا غئيري-فارس ميلتلر و آذربايجان مسئله سي حاقيندا چيخيش ائديب، آلمانيا و نئچه آيري آوروپا اؤلکه‌لرينده بنزر سئمينارلار تشکيل ائده‌جکدير.

بو آرادا آداپ بو فورصتلري ان ياخشي شکيلده ديرلنديره‌رک، يئني فورصتلر ياراتماق اوچونده چاليشماليدير.

آداپ اؤز چاليشمالاريندا اينسان حاقلاري قايدالارينا باغلي اولوب، عفو اؤورگوتو کيمي اولوسلار آراسي تشکيلاتلارلا چاليشديغي اوچون، ساده جه اؤز خالقي و توپلومونون دستکلريندن فايدالانا بيلر. بونا گؤره ده، آداپ سياسي و ايدئولوژيک جهتلنمه‌لره باخمایاراق، سيزين بوتون آذربايجانليلار و اونون سياسي قروپلارينين دستکلريني گؤزله‌مکده‌دير.

بيز بو حساس و تاريخي دؤنمده، بو گونه قدر آداپ-اي معنوي و مادي شکيلده حیمایه ائدن بوتون فيکيرداشلاردان تشککور ائدير، گله‌جک گونلرده ده بيزي دستکله‌ييب و آذربايجان سياسي محبوسلاريني اونوتماماقلاريني ريجا ائديريک. بو يارديملار اولمادان آداپ فعاليتلريني سوردوره بيلميه‌جکدير.

سيزين آجيل و فوري يارديملار و يا دواملي-آيليق کؤمکلرينيزله آداپ ياخشي بير فعاليت مرکزي ايجاد ائديب، باجاريقلي، اوزمان و موتخصيص شخصلرين کؤمگيندن ايستيفاده ائده‌رک، دونيا مئدياسي ايله ايلگیلری چوخالديب و اعتيبارلي بين الخالق تشکيلاتلار و مئديا ايله گؤروشمه فورصتلريني آرتيراجاقدير.

لوطفا کؤمکلرينيزي، آز ميقداردا اولسا دا، آشاغيداکي يوللارين بيري ايله آداپ حسابينا گؤندرينيز:

http://adapp.info/en/index.php?option=com_content&view=article&id=601:how-to-donate-to-adapp&catid=43:take-action&Itemid=74

آيليق يارديم حاقيندا سوالينيز وارسا، لوطفا آشاغيداکي ائمیله يازينيز:

این نشانی پست الکترونیک دربرابر spambot ها و هرزنامه ها محافظت می شود. برای مشاهده آن شما نیازمند فعال بودن جاواسکریپت هستید

سایغیلارلا،

ایراندا آذربایجانلی سیاسی محبوسلاری مودافیعه بیرلیگی (آداپ)

ایجرائی مودیری

فاخته زمانی