قیزیل گوللر قفسده دیر!- متين پورا ايتحاف
یاتیبسان اویان داغلار!
لاله یه بویان داغلار!
«-وطن!» دئیب اوره ک داغلار
ائلیم زنجیرده رنجیرده!
*
الی باغلی بیزیم ائللر
آغزی باغلی بیزیم ائللر
یاز قیریلسین زنجیرلر
ائلیم زنجیرده رنجیرده!
*
ئوستو توزلو قورو یوللار
عطیر ساچان قورو کوللار
آزادلیغا ایگیت یوللار
ائلیم زنجیرده رنجیرده!
*
یاتیبسان اویان داغلار!
لاله یه بویان داغلار!
قیزیل گوللر قفسده دی
ائلیم زنجیرده رنجیرده!
*
ائلیم منیم خانیم دی
دلیم منیم جانیم دی
سویله کؤنول ائل دردینی
ائلیم زنجیرده رنجیرده!
اورمو ايشچيلري