کورد، فارس سلاحینا قورغوشون اولور!- سردار اسدی
اؤنجه فیکیر سونرا دونیا یارانیر، اؤنجه رئکلام سونرا ساتیش باشلاییر، اؤنجه میللت سونرا دؤولت یارانیر بیر بایراق یارانمادان اؤنجه او بایراغین آرخاسیندا فیکیر و سیاست یارانیر.
سیزجه بایراغی دؤولتلر یارادار یوخسا میللتلر؟ سیزجه بیر بایراغی، او بایراغین دوشمنلری دالغالاندیرار یوخسا او بایراغی سئونلر؟ ایران آدلانان اؤلکهده حاکم اولان فارس دؤولتی ایللردیر کی، گونئی آذربایجان تورک میللتینه قارشی اریتمه (آسیمیلاسیون) ، آیری سئچکیلیک و آشاغیلاتما سیاستین یوروتمکدهدیر. بو دؤولتین سیاستی باشقا میللتلرده آینیدیر، آنجاق بیرینین آجیسی چوخ، باشقاسینین آجیسی داها چوخ. ایران آدلانان اؤلکهنین گئری زکالی سیاست آداملاری، آرتیق بو اینانجا یئتیشیبلر کی گونئی آذربایجان تورک میللتی چوخدان بری اؤز یولونو سئچیب و یاخین گلهجکده داغلاردا بیتن چیچکلرده، میللی مارشیمیزی بیزیمله بیرلیکده اوخویاجاقلار. اونلار چوخ یاخشی بیلیرلر کی، بو گئدیش گونئی آذربایجانی قورتولوشا آپاریر. گونئی آزربایجانین قورتولوشو، ایران آدلانان اؤلکنی پارچالانماسی دئمکدیر، مهو اولماسی دئمکدیر. خیالی آریا نسلینین ماتام گونو دئمکدیر! او اوزدن اوزون زاماندان بری، بیزیم بو آیدین و میللی، مدنی حرکاتیمیزی ایچریده و ائشیکده چئشیدلی بوغماغا چالیشیر!
بیلدیگینیز کیمی ایران آدلانان اؤلکهده یاییملانان سحر آدلی تئلئویزیا پروقراملاری فارسجادان باشقا بیر نئچه دیلده یاییملانیر. بو یاییملارلا میللتلری قاندیریب ایستدیگی ایشلرده قوللانیر. میللتلری قاندیرماسینا قانیق اولاراق، مسئلن بیلدیگینیز کیمی کوردلر بئله ایشلره دونندن حاضردیرلار! یاخین تاریخیمیزه گئری دؤنوب باخارساق، ائرمنیلرین ایسماییل سیمیتقونو نئچه قاندیریب اویونا گتیرمهلرینه تانیق اولاریق. بو تولکو سیفت ایران رئژیمی ایراندا یاشایان میللتلر اوچون دوغرو دوزگون بیر یاییمی یوخدور. آنجاق بو یاییملار هر میللتین اؤز باش کندیندن آدی ایله و یاخود او بؤلگهلرین آدی ایله یاییملانیر...
آنجاق بو آرادا منیم اوچون بیر سورغو یارانیر، گؤرهسن سحر تئلئویزیاسینی ایزلهین بیر چوخ قوزئی آذربایجانلی، اؤزجهلیکله نارداراندان تئلئفونلا بو یاییملارا قاتیلان آذربایجانلیلار، ایراندا گئدن سیاستدن خبرلری وارمی؟ یوخسا کور-کور سادهجه تولکو سیفت مالالارین یالان سؤزلرینه اویورلار؟ اونلارین خبر وارمی، کوردجه یاییملانان پروقراملاردا کورت شهرلرین بوراخیب آذربایجانیمیزین دیلبر گوشهسی سویوقبولاق شهرینی کوردلرین باشکندی کیمی یاییملارین اوستونده یازیب گؤستریر؟ کوردلرین باشکندلری سنندجدیر! آنجاق باشدا یازدیغیم کیمی بو ایشله کوردلری آذربایجانلیلارین اوستونه قوشقودورلار! بونو دیرناق ایچینده خاتیرلاتمالییام سویوقبولاغین قوندارما آدی ماهاباددیر. بیر داها خاتیرلادیرام سویوقبولاق گونئی آذربایجان تورک تورپاغیدیر!
عجبا بو دؤولت کورد میللتین سئویر و اونلارا یاردیم ائتمهیه چالیشیر؟ بو یاییملار مدنی بیر ایشدیر یاخسا گونئی آذربایجانا قارشی بیر سیاستدیر؟
او آذربایجانلیلار کی، سحر تئلئویزیاسینا تئلئفون ائدیب، ائرمنی دستکلیسی ایران آدلانان اؤلکهسینی دستکلییرسینیز. سیزلره بیر سؤزوم وار، لطفاً پاپاغینیزی قاباغینیزا قویوب بیر آزیق دریندن دوشونون. هئچ دوشوندونوزمو، بیزیم تاریخی عابدهلریمیز، مسجیدلریمیز قاراباغدا وحشی ائرمنیلر طرفیندن ییخیلیب یئرله بیر اولاندا، سیزین سحر تئلئویزیاسی ندن بو اولایلاری گوندمه گتیرمیردی؟ مگر سیزین خبرینیز یوخدور، ائرمنیلر بیزیم تورپاقلاریمیزی ایشغال ائدن گوندن، ایران ائرمنیلره علینده گلن اسیرگمهییب...؟
ایران دؤولتی سویوقبولاغی رئکلاملا کورد تورپاغی آدلاندیرماق ایستییر. اؤز گوجو یئتمهدن سلاحینا کوردو قورشون اولاراق یئرلشدیریر، زامانی یئتنده بیز تورکلرین بئینینه سیخسین. کورد علیله بیزه باشقا قاراباغ یاراتماق ایستییر .کوردلرده آنجاق ایچریده و ائشیکده بو رئکلامی قوللانیب بیزلردن تورپاق قازانماق ایستییرلر.
بئله بیر رئکلاملارا و سیاستلره قارشی بیز گونئی آذربایجان تورکلرین بیرلشمهسی داها گرکدیر ائشیک ده اولان تشکیلاتلار ایش بیرلیگی آپاریب کیچیک فرقلره باخمایاراق بیر سس و بیر بایراق آلتیندا توپلانیب، گونئی آذربایجانیمیزی دونیایا داها اؤز سیاسی آدی ایله تانیتدیراق.